ninna kai hiDidaaga

After a long break I have written this






















ನಿನ್ನ ಕೈ ಹಿಡಿದಿರಲು ..

ಚೆಲುವೆಯ ಕೈ ಹಿಡಿದಿರಲು
ಮನವು ಒಂದೆಡೆ ನಿಲ್ಲದು
ಹೃದಯ ಬಡಿತವು ಕಿವಿಗೆ ಕೇಳುವ
ತೆರದಿ ಹೃದಯವು ಕುಣಿವುದು

ಚೆಲುವೆಯ ಕೈ ಹಿಡಿದಿರಲು
ಗಡಿಯಾರದ ಕೈಗಳೇಕೆ
ಬುಗುರಿಯಂತೆ ಸುತ್ತುವುದು ?
ಏಕೆ ಅಲ್ಲೇ ನಿಲ್ಲದು

ಚೆಲುವೆಯ ಕೈ ಹಿಡಿದಿರಲು
ಆ ಸ್ಪರ್ಶಕೆ ಮೈ ಮರೆತಿರಲು
ಹಸಿವೆ ಎಲ್ಲಿ ಹೋಗುವುದು ?
ದಣಿವೆ ಎಲ್ಲಿ ಹಾರುವುದು ?

ಚೆಲುವೆಯ ಕೈ ಹಿಡಿದಿರಲು
ಅವಳ ಬೆವೆತ ಹಸ್ತವದು
ಮೃದುವಾಗಿಹ ಕೈಯನ್ನು
ಬೆಣ್ಣೆಗಿಂತಾ ಮೃದುವಾಗಿಸುವುದು

ಚೆಲುವೆಯ ಕೈ ಹಿಡಿದಿರಲು
ಮಗುವಿನ ಆ ಮುಗ್ಧತೆ
ವನವಾಸಿಯ ಸರಳತೆ
ಎಲ್ಲ ನನ್ನ ಆವರಿಸುವುದು

ಚೆಲುವೆಯ ಕೈ ಹಿಡಿದಿರಲು
ತಂಗಾಳಿ ಬೀಸುವುದು
ಹಕ್ಕಿ ಕಲರವ ಕೇಳುವುದು
ಹೂಗಳು ತಲೆ ತೂಗುವುದು

ಚೆಲುವೆಯ ಕೈ ಹಿಡಿದಿರಲು
ಇರುವೆ ದುಂಬಿ ಹಕ್ಕಿಗಳು
ಜೇಡ, ಹಸು, ನುಸಿ ನೊಣಗಳೆಲ್ಲ
ನಮ್ಮ ಆಶೀರ್ವಾದಿಸುವುವು

ಚೆಲುವೆ, ಏನಾಗಲಾಗದಿರಲಿ
ನಾ ನಿನ್ನ ಕೈ ಬಿಡೆನು,
ಹಾ!! ನಿನ್ನ ಕೈ ಬಿಡೆನು..

ಕಾರ್ತಿಕ್..