ನಾರಿ ನೀನಿಲ್ಲದಿರೆ ..

ಶಿಶಿರದಲಿ ಎಲೆಯುದುರಿ ಮರವು ಬೋಳಾದಂತೆ ಬೇಸಿಗೆಯ ಬೇಗೆಯಲಿ ಕೆರೆ ಬತ್ತಿದಂತೆ ಕರಿಯ ಕಾರ್ಮೋಡದಿಂ ರವಿಕಾಂತಿ ಕಳೆದಂತೆ ನಾರಿ ನೀನಿಲ್ಲದಿರೆ ನಾ ಬೊಂಬೆಯಂತೆ | ಪ|   ತೈಲವಿದೆ ದೀಪವಿದೆ ಬತ್ತಿಯಿದೆ ಕತ್ತಲಿದೆ ಜ್ವಾಲೆಯಿಲ್ಲದೆ ಕಾಂತೆ ಏನಾದರೇನು ? ನೂರಾರು ಬಂಧುಗಳು ಹತ್ತಾರು ಬಳಗಗಳು ನಾರಿ ನೀನಿಲ್ಲದಿರೆ ಯಾರಿದ್ದರೇನು ? |೧|   ಕೆಂಡವಿಲ್ಲದ ಹಂಡೆ ಗುಂಡಿಯಿಲ್ಲದ ಅಂಗಿ ದಂಡವಿಲ್ಲದ ಸ್ವಾಮಿ ಸಾರ್ಥಕತೆಯೇನು ? ಬರ ಬಡಿದ ಭೂಮಿಯಲಿ ಭತ್ತ ಬಿತ್ತಿದ ಹಾಗೆ ನಾರಿ ನೀನಿಲ್ಲದೆದಿರೆ ಈ ಬಾಳು ಬರಿದು |೨|

 

ನನ್ನ ತಿಮ್ಮಿಗಾಗಿ ಈ ಕವನ ಮುಡಿಪು ....